حسبى الله و نعم الوكيل

هو ليه كده
ليه بيحصل فيا انا مخصوص كده
الناس بتعاقبنى عشان انا بنى ادمه لا بعرف اخبى ولا ادارى وعلى طبيعتى
للزمن مطلعش اشطر منى و معرفش يعلمنى الخبث
و الله منا عارفه مين اشطر من مين
عشان واحده بتمشى مبتسمه
تبقى خفيفه
ومش عاقله
و تافهه
الله على كلمه تافهه
كلمه جميله
توجع اوى
برافو و الله
العقل بقى بيتقاس من غير ما تتكلم مع اللى قدامك ولا كلمه
مكشوف عنهم الحجاب
بمجرد بصه
يعرفوا
انى تافهه
الله بجد
مهو طبعا
واحد عاقل
هيضحك ازاى فى دنيا مليانه بناس زى دول
و الله اكرمتكم لما اديتكم لقب ناس اصلا
خلاص
مدام حد ميهمنيش
ولا يلزمنى
انهش فى سيرته زى محب
هو حد يعنى هيروخ يقوله
هو انا كلمتى اللى هتقف فى الزور
ميعرفوش بقى
ان واحده
بتضغط على نفسها بميت جزمه عشان متخرجش بره الاخلاق و الدين اللى اتربت عليه
و تعبت عشان تتجنب اى كلمه وحشه عنها
سامحت كتير
و جاملت كتير
و فضلت فى حالها اكتر
بس اللسنه مش بتبطل
و مبقاش فيه لا اخلاق و لا احساس
عايزنى تنكه
و حطه الخلق كلها تحت رجلى و دايسه فوقيهم
ماشى
بس هتنفعونى وقتها
هتعرفوا صلحوا صورتى اللى انكسرت جوا نفسى
انا كده
مبعرفش رمادى
و الابيض عندى
مقدس
لا لف
ولا دوران
ولا مظاهر
ولا ناس يهمونى
انا هفضل زى منا هايفه و مش عاقله و تافهه و موجوعه من كل ده
وانتم افضلوا اتلكلموا براحتكم
و حسبى الله و نعم الوكيل اكبر من الكل
و قادر يجند ملايكه ترد عنى
يااااااااااااااارب

ها أنا فى المنتصف :)

عاما كاملا يراودنى طيفك

أراك هناك ... فى أقصى شمال الذاكره

رجلا يقف بعيدا ... بكامل أناقته ... يتلفت برزانه هنا و هناك فيقلب قوانين كل ما حوله

بشرته تقسم على طيبته و عطاءه ( فبشرته و النيل لهما نفس اللون)

بعدما يغلفنى عطر ذكراك ... أردد الحروف الأبجديه لأتيقن أنى مازلت بكامل قواى العقليه

كيف لى أن أتذكر رجلا لم أسمع صوته بعده ... فقط استشعرته ... ومن بعيييييييد

لم أكلف كبريائى عناء البحث عنك

و لكن القدر أتحفنى بصدفه لقاءك

حينها لم أدرك حالى سوى و أنا أخترق عينيك

حلمت بأن تستشعرنى كما استشعرتك

لم أحلم بأن تتذكرنى ... فقط تشعر بصدق عينين يراقبانك عن خجل

قبل أمس فقط شعرت بأهميه البحث عنك حتى و إن كنت لا تكترث لشغف عيناى

لا أهتم إن كنت تطوع لإسعاد أنثى تتوج رجولتك

أو إن كنت بالفعل تذوب عشقا فى دوامات أنثى أخرى

أردت فقط الأقتراب حتى أفك شفرتك بالذاكره

حتى أعرف مدى صحه قلبى فى الإنجذاب لمعدنك

و أكاد أقسم مقدما على شهاده تفوق لقلبى المتنبأ باستثنائيتك

اليوم تتبعت عطرك و حرصت على أن أكون خلف ستار حتى يمكننى استنشاق حد الإختناق دون خجل

يا الله .... كم أكرهه المواجهاااااات

و كم أتخوف من تلك الشعور الوقتى المسمى بالسعاده ... أخاف أن تحطم أحلامى تلك الليله بضغطه زر واحده

وإن يكن ....( الأرواح بتتلاقى)



ملحوظه : رفضت أن أكتب مذكره جديده تلك الليله و بدلت القديمه بتلك ... القديمه كانت حلما بك .... أما الحاليه فهى أحلاااام


2009-10-11

FaNtaSia

أفكار رأسيه ... أفكار أفقيه ... أفكار مقلمه ... أفكار مشجره

كلها أفكار ... و كلها يدور فى رأسى و يتشبث داخلها كطفل رضيع وضه توه فى حضن أمه

لا أعلم من أين أتيت ولا كيف سترحل ... حتى لا أستطيع وضعها على أى من ميزان القلب او العقل ... أدرك جيدا بنوتها للجنون

فكره تدعم الطفله الهوجاء داخلى ... و فكره تغرى بالأنثى الناضجه فى عيون من حولى ... و فكره تلقينى فيما بينهما

يتسيد تلك الأفكار الفكره الأكثرهم جنونا ... فكره تطرحنى سماء السعاده ... فكره تتلخص فى كلمه واحده

من يعلم ... ربما أجد وقتا لنطقها يوما ... فمازلت فى أبدى البدايه :)

صرخه

يا الـــــــــلـــــــــــه ..... كيف أكتب الــــــــــبــــــــــــــــــــــــــــــــــــكـــــــــــــــــــــــــــــــــاء !!!!!

يا الله انقذينى فقط من الأخيره

إنفلونزا الطيور ... إنفلونزا الخنازير ......... و إنفلونزا الكدب

نغم ليلى

خليك فاكرني
ياللى بجمالك
وبعيونك دول آسرني
خليك فاكرني
وان حس قلبك يوم بقلبى
ابقي زورني
خليك فاكرني
ياللى بجمالك
وبعيونك دول آسرني
خليك فاكرني
وان حس قلبك يوم بقلبى
ابقي زورني
دا أنت في عينيه
كل اللي ليه
فرحة شبابي بالدنيا ديه
دا أنت في عينيه
كل اللي ليه
فرحة شبابي بالدنيا ديه
اول ماشفتك
لمست قلبي بنظرة واحدة
نسيت جراحه
لقيتك انت اجمل حكايه حب
نسيتني اللى راحوا
ماتغيبش عني
وخلي قلبك لو ناديته يجيلي تاني
ده احنا اللى بينا الحب كله و عمر مر معاك ثواني
دا أنت في عينيه
كل اللي ليه
فرحه شبابي بالدنيا ديه
خليك فاكرني
ياللى بجمالك
وبعيونك دول آسرني
خليك فاكرني
وان حس قلبك يوم بقلبى
ابقي زورني
دا أنت في عينيه
كل اللي ليه
فرحة شبابي بالدنيا ديه
خليك فاكرني

الشعب كله يستحمى ... أوباما جااااااى

أوباما جاى يا ولااااااد ... يا حلاوووه يا مصر

و الله و هتنضفى و هيجيلك اللى يظبطك

إشى اسوار بتتبنى و إشى حيطان بتندهن ... ماهو كمان بيستهبل ... هيعدى على أقدم مناطق فى الكاهره ... و كماااااان رايح جامعه القاهره

و الامتحانات اتأجلت علشانه و الدنيا قامت و لسه موش هتقعد غير لما السيد باراك أوباما يوصل لجماعته فى أمريكيه

إنبى انا سعيده و فخزره ببلدنا

بلدنا اللى بتدوس على رقبه ولادها العباقره بالجزم و كتر خيرها سايبالهم صندوق تنميه الشباب يحوشوا فيه براحتهم

بلدنا اللى بتنضف عشان فيه ضيوف جايين ... موش عشان اهلها اللى عايشين فيها و طالع عين اللى *****

بلدنا اللى بتسيب الحاجه تضرب تقلل لحد ماتحصل كوارث زى الدويقه و غيرها و غيرها

انبى اوباما لو يعرفها على حقيقتها ماكنش عتبها

إيه رايكم نفتن عليهم و نقول لاوباما ؟ ولا على ايه ؟ ليهدوا الحيطه و يوقفوا البياض